This endenture made be-twyxe Robert laurence knyght on~ ye tone party & Mauld of Wyresdale of Bolton@ on~ ye tothir party . beres wittenes yat ye saide
sir Robert hase graunted to ye saide Maulde of Wiresdale x s~ of silu~ be 3er~ vn-to the terme of hir life for to payet at bolton~ at quyssonday & Martimes
be ewyn~ porcions for all the londes & tenementes of ye fourt part ye lordshipe of bolton~ abowyn~ said . the quych fourt part of ye lordship sall fall
vnto ye saide Robert & to his ayres for euermore . aft~ ye ded of the saide Maulde . as it is playnely knawen~ to all ye contre . And ye saide Mauld
grauntes for hir yat scho sall haue none entermetyng~ of the saide fourt part of the lordship bot onely of the saide x s~ . And ye saide sir Robert grauntis
for hi@ & his ayres yat the said annuel rent be duely payet at ye termes a-bowyn~ said all ye terme of hir lyfe . as is be-foresaid . Jn wittenes
of yis conaunt ye forsaid sir Robert to ye tone party hase set to his seell . And ye saide Maulde to ye tothir part of yis saide endenture hase set to
hir seell . be-fore Edmond Frere yen~ Maire of lane~<?> Robert of Bolron~ Thom~ of Bolton@ John Bonyfaunt and othir <lat>Datis apud lancastr~ die Jouis
prox~ ante festu@ Natalis domini . Anno Regni Regis henrici sexti quinto</lat>