Institutt for energi- og petroleumsteknologi

Om Institutt for energi- og petroleumsteknologi

Instituttet tilbyr studium i petroleum- og energiteknologi. Instituttet har eit tett forskingssamarbeid med industri og andre forskingsinstitusjonar. 

Me bryr oss om internasjonalisering, med utvikling av engelskspråklege studium og stor mobilitet blant vitskapslege tilsette og studentar.

Studietilbod

Bachelor i energi- og petroleumsteknologi og Y-veg

Energisektoren er i endring. Medan dei siste hundre åra har vore dominerte av kol, olje og gass, vil vi i dei kommande tiåra sjå ein breiare miks av energiformer, og då spesielt innan fornybar energi.

Bachelor i batteri- og energiteknologi

For å møte framtida sitt behov for energi, må det skapast og lagrast mykje energi. Tenk berre på kor mange ting du har rundt deg i kvardagen som treng straum for å virke? For at vi skal kunne ta ut straum når den trengs til den grøne omstillinga vi står midt i, må vi finne gode løysingar på energilagring. Batteriteknologi gjer dette mogleg. 

Master i petroleumsteknologi (toårig)

Masterstudiet i petroleumsteknologi gjer deg skikka til ein internasjonal karriere innan olje- og gassindustrien. Dette er studiet for deg som er god i realfag og som har ei interesse for utvikling og bruk av teknologi.

Ph.d.-program i energiteknologi og geovitenskap

Doktorgradsstudiet i petroleumsteknologi har fordyping i reservoarteknologi, boring og brønn, naturgassteknologi og petroleumsgeologi. 

Forsking

Digitalisering i boring (engelsk)

Etter kvart som kunstig intelligens modnast og me betre forstår dens styrkar og avgrensingar, byrjar ho å bli sett på som eit verktøy med spesifikke fordelar og ulemper, og ikkje den einaste gyldige løysinga på alle problema. Våre forskarar ser på korleis kunstig intelligens kan brukast innan boring.

Nye energisystem (engelsk)

Overgangen til reine, berekraftige og prisgunstige energiløysingar toppar både den globale, nasjonale og lokale agendaen. ​

Anvendt AI og maskinlæring (engelsk)

På grunn av ein auke i data som er tilgjengeleg gjennom teknologiske framsteg, kan kunstig intelligens og maskinlæringsmetodar bli brukte for å konvertere data til kontekstuell informasjon, noko som fører til ei trinnvis endring innan energi- og petroleumsteknikk.

Matematisk modellering drive av data (engelsk)

Matematiske modellar set oss i stand til å forstå fenomen i naturen og å kunna studera og optimalisera prosessar i samfunnet og i industrien. Me studerer koplinga av nye maskinlæringsmetodar med klassisk fysikkbasert modellering, med formål å oppdaga og trena nye modellar sjølv med få observasjonar.