Forsking ved UiS

Petroleumsforskinga ved UiS har skapt store verdiar for fellesskapet. UiS har levert kostnadseffektive og miljøvenlege løysingar over fleire tiår for å forbetre oljeutvinninga på den norske sokkelen i tett samarbeid med industrien. I dag skjer mykje av forskinga videre i Nasjonalt senter for berekraftig utnytting av energiressursar på norsk sokkel.

Gjennom ei rekke samarbeidsprosjekt utviklar UiS nye kostnadseffektive løysingar for den globale energiomlegginga. Resultatet er ei rekke forbetringar innan energisystem, energieffektivitet, flytande vindturbinar til havs, jordvarme, mikro-gassturbinar, varmepumper, bruk av hydrogen, bygningsintegrerte solcelleanlegg med meir. 

UiS har eit av dei tyngste fagmiljøa i Noreg innan oppvekst, skole og utdanning, og er internasjonalt leiande på leikbasert læring i barnehagar, viktigheita av sjølvregulering, digital mobbing og leseforsking, som til dømes forskjellane mellom å lese på papir og skjerm. Mykje av denne forskinga føregår i våre tre nasjonale forskings- og kompetansesenter: Lesesenteret, Læringsmiljøenteret og Kunnskapssenter for utdanning.

UiS har mykje forsking og innovasjon innan helseteknologi, pasientsikkerheit, folkehelse, etikk og velferd. UiS tek til dømes i bruk kunstig intelligens for utvikling av teknologi som brukast for gjenoppliving av nyfødte og i nyfødtomsorg. Det skjer i tett samarbeid med Stavanger universitetssjukehus og Laerdal medical. UiS har også landets fremste fagmiljø innan kvalitet og tryggleik i helse- og omsorgstenester i forskingssenteret SHARE - Senter for kvalitet og sikkerhet i helsetjenesten.